Gazeta Sinjali raportoi sot për një grabitje, që ndodhi mbrëmë në Prizren, ku viktimë ishte një grua. Policia ka bërë të ditur për Sinjalin se i dyshuari është kapur dhe është dërguar në mbajtje.
Si ndodhi ngjarja?
I dyshuari E.K, 19-vjeçar, fillimisht e kishte goditur viktimën në fytyrë dhe më pas ia kishte grabitur çantën e dorës, duke u larguar nga vendi i ngjarjes në drejtim të panjohur. Viktima ka deklaruar se në çantë ka pasur një telefon celular si dhe 35 euro para të gatshme.
Viktima ka marrë trajtim mjekësor në Spitalin e Prizrenit, për shkak të lëndimeve që kishte pësuar në fytyrë.
Policia tutje ka njoftuar se me vendim të prokurorit, i dyshuari është ndaluar për 48 orë.