Chelsea është skuadra kampione për këtë vit në Evropë, pas triumfit që arriti në Ligën e Kampionëve ndaj Manchester Cityt, shkruan Sinjali Sport.

Të shtunën mbrëma, skuadra e drejtuar nga Thomas Tuchel shënoi fitore në finalen ndaj Manchester Cityt.

Finalja e zhvilluar në “Dragao” përfundoi me rezultatin 0-1. Golin e vetëm dhe të fitores për blutë e Londrës e shënoi Kai Havertz në minutën e 42-të.

N’Golo Kante u shpall lojtari i ndeshjes, teksa me këtë triumf shënoi edhe një rekord.

Kante bëhet vetëm lojtari i gjashtë në historinë e futbollit që ka fituar Ligën e Kampionëve, Premier Ligën dhe Kupën e Botës.

Para tij, këtë e kishin arritur edhe Thierry Henry, Juliano Belleti, Gerard Pique, Pedro dhe Fabien Barthez.   /Gazeta Sinjali Sporti/