Një konflikt familjar ka eskaluar në kanosje mbrëmjen e së enjtes në Prishtinë, ku një 47-vjeçar dyshohet se ka kërcënuar dy vëllezërit e tij, raporton Sinjali.
Burimet e Sinjalit bëjnë të ditur se ngjarja ka ndodhur rreth orës 22:45 në rrugën “Abdyl Rama”, ku Policia është njoftuar për një mosmarrëveshje.
Në vendin e ngjarjes, zyrtarët policorë kanë takuar palët e përfshira, F. A., 55-vjeçar, A. A., 26-vjeçar, dhe të dyshuarin I. A., 48-vjeçar.
Pas shoqërimit në Stacionin Policor “Veriu”, F. dhe A. kanë deklaruar se ishin kanosur nga vëllai i tyre, I.
Pas intervistimit të palëve, Prokurori kujdestar ka urdhëruar inicimin e rastit për veprën penale “Kanosje” dhe ka nxjerrë aktvendim për ndalimin 48-orësh të I. A.
I dyshuari është dërguar në Qendrën e Mbajtjes, ndërsa hetimet për rastin janë në vazhdim.
Sinjali – aty ku e vërteta flet para lajmit!