Me 62 vota për kalon në lexim të parë ligji për buxhetin 2020, shkruan Gazeta Sinjali.

Edhe votimi për kalim në lexim të parë të buxhetit u bë pa pjesëmarrjen e opozitës, ashtu si edhe mocioni i Lëvizjes Vetëvendosje për pëshpejtim të shqyrtimit të projektbuxhetit.

Votimi për kalim në lexim të parë të buxhetit 2020 u bë në seancën e sotme të jashtëzakonshme të Kuvendit të Kosovës.

Thirrja e seancës së jashtëzakonshme për projektbuxhetin sipas kryeminsitrit Kurti u bë pasi duhet të ndahen një buxhet emergjent për trajtimin e koronavirusit.

“Na nevojitet buxheti 2020 dhe vetëm më pas ne mund të kemi një buxhet emergjent. Edhe ashtu në muajin mars jemi me 1/12 pjesë të buxhetit. Edhe në vitin 2011 ka pasur dy lexime, më 25 mars dhe 31 mars, por atëherë nuk ka pasur koronavirus. Prandaj duke i pasur parasysh rrethanat në të cilat ndodhemi, unë ju ftoj që ta votojmë këtë projektbuxhet”, tha kryeminstri. /Gazeta Sinjali/