Një burrë amerikan besohet të jetë në paraburgim në Korenë e Veriut pasi kaloi kufirin pa leje gjatë një turneu.
Identiteti i tij nuk është konfirmuar zyrtarisht, por gazeta koreano-jugore Dong-a Ilbo tha se ai është një ushtar i ushtrisë amerikane i quajtur Travis King, raporton Skynews.
Kjo ndodhi teksa ai po vizitonte Zonën e Përbashkët të Sigurisë, pjesë e zonës së çmilitarizuar që ndan Korenë e Jugut nga ajo e Veriut.
“Një shtetas i ShBA-së në një turne orientues JSA kaloi, pa autorizim, vijën e demarkacionit ushtarak në Republikën Popullore Demokratike të Koresë (DPRK)”, shkroi Komanda e OKB-së në Twitter.
“Ne besojmë se ai është aktualisht në paraburgim në DPRK dhe po punojmë me homologët tanë të KPA-së për ta zgjidhur këtë incident”.
Një zëdhënës i ushtrisë amerikane në Korenë e Jugut, koloneli Isaac Taylor, tha: “Jemi ende duke bërë disa kërkime lidhur me këtë dhe gjithçka që ndodhi”.
