Drejtori i Bayern Munich dhe portieri legjendar i Bundesligas, Oliver Kahn ka dhënë një interevistë së fundi ku ka folur për të ardhmen e Robert Lewandowskit dhe gjasat e tyre për të nënshkruar me Erling Haaland.
Kahn duket i qetë rreth situatës së Lewandowskit duke theksuar se ai ka një kontratë me klubin gjerman dhe do të qëndrojë në Bayern për aq kohë sa të jetë e mundur, transmeton Sinjali Sport.
“Lewandowski ka një kontratë me ne. Aktualisht jemi në kontakt me të dhe duam që ai të qëndrojë në Bayern për aq kohë sa të jetë e mundur.
“Të pakënaqur? Më trego një lojtar që është i pakënaqur dhe ende shënon 30 deri në 40 gola në sezon!”, u shpreh ai.
I pyetur për të ardhmen e Lewandowskit, ai shtoi: “Lojtarët kryesorë ndonjëherë mendojnë të provojnë diçka tjetër – dhe duhet kohë për t’i bindur ata.
“Ka edhe mjete financiare dhe si klub duhet të mendosh se si ta menaxhosh atë”, deklaroi gjermani.
Ndërkohë ikona gjermane nuk u la pa u pyetur edhe për sulmuesin e Dortmundit, Erling Haaland, e ardhmja e të cilit vazhdon të mbetet temë e diskutueshme.
“Haaland? Nuk mendoj se do ta bënim punën tonë siç duhet nëse nuk do të kishim parasysh një sulmues kaq të ri.
“Ai është një sulmues i shkëlqyer dhe një lojtar shumë interesant për të ardhmen. Por dimensionet financiare janë përtej imagjinatës sonë”, ka përfunduar gjermani.
