Sonte me fillim nga ora 21:45, Juventusi do të udhëtojë për t’u takuar me skuadrën e Sassuolos në një stadium aspak të lehtë.
Skuadra e drejtuar nga Sarri, në rast se kthehet në Torino me tri pikë të plota, mund ta “blindojë” vendin e parë në tabelë me nëntë pikë larg Atalantas e cila tashmë renditet e dyta.
Sassuolo nuk di për humbje tash e gjashtë ndeshje, ku ka katër fitore radhazi në kampionat, duke i bërë me dije “Zonjës së Vjetër” se për t’i marrë pikët e plota duhet të djersiten shumë.
Ndeshja luhet pa praninë e publikut për shkak të koronavirusit./Gazeta Sinjali/