Sot në Slloveni është mbajtur samiti ndërmjet Ballkanit Perëndimor dhe Bashkimit Evropian.
Por para se të niste ndodhi një ngjarje qesharake. Kryeministri i Shqipërisë, Edi Rama, pati një ‘mosmarrëveshje’ me homologun e tij holandez, Mark Rutte.
Ata duket se nuk ‘po merreshin vesh’ se cili do të hynte i pari.
“Jo jo kalo ti i pari”, insistonte kryeministri Rama, derisa në pamjet e publikuara të dy shihen se e kalojnë momentin me batuta, për të vazhduar më pas në takimin me liderët e tjerë dhe në momentin e fotos zyrtare.