Komisioni Qendror i Zgjedhjeve ka njoftuar qytetarët me të drejtë vote se mund të verifikojnë në mënyrë të shpejtë dhe të thjeshtë vendndodhjen e Qendrës së tyre të Votimit përmes platformës elektronike të KQZ-së.
Për të përdorur këtë shërbim, votuesit duhet të vendosin numrin personal të Republikës së Kosovës dhe datën e lindjes në platformën përkatëse.
Sipas njoftimit të KQZ-së, pas përfundimit të verifikimit do të hapet një faqe e re me të dhënat e votuesit, ku do të shfaqet edhe adresa e saktë e Qendrës së Votimit në të cilën është caktuar të votojë. Po ashtu, lokacioni i qendrës mund të shikohet edhe përmes Google Maps.
Për verifikimin e vendvotimit, qytetarët mund të përdorin platformën: https://qv.kqz-ks.org.
Sinjali – aty ku e vërteta flet para lajmit!