Qyteti i Huanggang në Kinë është izoluar për të parandaluar përhapjen e koronavirusit vdekjeprurës.

Ky është qyteti i dytë në Kinë pas Wuhanit që është izoluar.

“Huanggang do të izolohet këtë mesnatë, për të parandaluar transmetimin e koronavirusit”, thanë autoritetet kineze.

Banorët nuk duhet të largohen nga qyteti, vetëm nëse kanë ndonjë arsye të rëndësishme.

Qyteti Huanggang shtrihet në brigjet e lumit Yangtze dhe është shumë afër qytetit të Wuhanit.

Wuhan ka një popullsi prej rreth 11 milion banorësh dhe të gjitha rastet janë shënuar në Wuhan dhe në rrethinat e këtij qyteti.

Kujtojmë se deri tani kanë mbetur të vdekur 17 persona dhe 617 të tjerë janë të prekur nga ky virus misterioz. /Gazeta Sinjali/