Pentagoni së shpejti duhet të publikojë një raport të shumëpritur mbi takimet e personelit ushtarak me UFO-t gjatë 15 viteve të fundit apo më shumë.

UFO-t (objekte të paidentifikuara fluturuese) janë objekte ose fenomene që, pasi të shqyrtohen nga ekspertët, ende nuk mund të shpjegohen në një mënyrë konvencionale. 

Kjo nuk do të thotë se këto janë automatikisht anije kozmike aliene ose disa forca të mbinatyrshme, por që aktualisht nuk ka asnjë shpjegim shkencor për këto ngjarje. 

Pas disa kohësh, UFO-t shpesh rezultojnë të jenë fenomene natyrore, balona dhe pajisje meteorologjike, avionë dhe dronë të huaj.

Autoritetet amerikane konfirmuan vërtetësinë e disa prej regjistrimeve në prill

Pentagoni konfirmoi vërtetësinë e një serie fotografish dhe videosh të objekteve të paidentifikuara fluturuese të marra nga marina amerikane muajin e kaluar, të cilat u zbuluan në publik.

“Fotot dhe videot e objekteve trekëndëshe që dridhen dhe lëvizin nëpër re u morën nga anëtarët e Marinës”, tha zëdhënësi i Pentagonit, Sue Gough për CNN, duke shtuar se personeli i Marinës gjithashtu bëri foto të tre objekteve të tjera fluturuese të paidentifikuara.

Departamenti i Mbrojtjes i SHBA-së nuk hyri në shpjegime të mëtejshme për këto regjistrime.

“Siç kemi thënë tashmë, për të ruajtur sigurinë operacionale dhe për të shmangur zbulimin e informacionit që mund të jetë i dobishëm për kundërshtarët e mundshëm, ne nuk publikojmë detajet e vëzhgimit ose ekzaminimit të ndërhyrjeve të raportuara në intervalin tonë ose hapësirën ajrore, e cila përfshin ndërhyrje të caktuara fillimisht si UAP”, tha Gough.

“Ne kemi parë UFO çdo ditë për vite me radhë”

Gjithnjë e më shumë pilotë po dalin në publik me ato që kanë parë gjatë karrierës së tyre, e cila lidhet me fenomenin e UFO-ve, shkruan Futurism .

Kështu ish-togeri i Marinës Ryan Graves kohët e fundit tha në një intervistë për CBS News se për dy vjet, duke filluar nga 2015, ai kishte parë objekte të çuditshme fluturuese në hapësirën ajrore mbi Virginia Beach.

Ajo që është veçanërisht interesante është se këto nuk ishin raste të izoluara. Gjegjësisht, togeri në pension tha se në ato dy vjet ai ndeshej me ambiente të këtij lloji pothuajse çdo ditë.

“Jam sinqerisht i shqetësuar. Mundohuni të kuptoni, nëse këto ishin aeroplanë taktikë nga një vend tjetër, atëherë ky është një problem serioz”, tha Graves.

“Por meqenëse këto pajisje duken pak më ndryshe, ne po vendosim një problem nën qilim. Ne nuk duam të përballemi me faktin se ata janë atje lart dhe na shikojnë çdo ditë”, shtoi ai./Gazeta Sinjali/