Ish-këshilltari i Albin Kurti, Shkelzen Gashi ka reaguar për tollovinë tek Qendra e Vaksinimit në Prishtinë në sallën “1 Tetori” në Prishtinë, shkruan Gazeta Sinjali.
Gashi thotë se është i bindur që ish-ministri i Shëndetësisë, Armend Zemaj do ta kishte menaxhuar më mirë këtë situatë.
“Jam i bindun, madje thellë, që Armend Zemaj kishte me e menaxhu larg më mirë këtë situatë. Marre”, është shprehur Gashi.
Në lidhje me pamjet e sotme tek qendra e vaksinimit në Prishtinë kanë reaguar edhe liderë opozitarë, duke fajësuar qeverinë për mosorganizim të procesit të vaksinimit.
Ministria e Shëndetësisë në anën tjetër theksoi se tollovia është krijuar për arsye të ardhjes së qytetarëve nga qytete tjera. Te ta ka bërë thirrje të vaksinohen nëpër komunat e tyre.
