Kryetari i LDK-së, Isa Mustafa në 100 vjetorin e lindjes ka përkujtuar Anton Çettën, për të cilin ka thënë se punoi pareshtur për pajtimin e gjaqeve mes shqiptarëve.

“Në 100 vjetorin e lindjes, kujtojmë sot shkrimtarin, folkloristin dhe patriotin shqiptar i cili mision jetësor e kishte paqen.
Anton Çetta punoi pareshtur për pajtimin e gjaqeve mes shqiptarëve si kryetar i Këshillit Qendror të Lëvizjes Kombëtare për Pajtimin e Gjaqeve.
Plaku i urtë, në kohët më të vështira kishte fituar besimin e popullit të përfaqësonte LDK-në në Kuvendin e Republikës së Kosovës pas zgjedhjeve të para demokratike në 1992”, ka thënë Mustafa.

Tutje kryetari i LDK-së ka thënë se Anton Çetta dhe shumë veprimtarë të tjerë janë udhërrëfyes për gjithë historinë tonë, se si punohet për atdheun. /Gazeta Sinjali/