Ministri i Jashtëm i Iranit, Abbas Araghchi thotë se i shkroi Sekretarit të Përgjithshëm të OKB-së, Antonio Guterres për të dënuar sulmet izraelite kundër Iranit dhe gjithashtu bëri thirrje për një seancë të menjëhershme të Këshillit të Sigurimit të OKB-së.
“Edhe pse nuk ka asnjë shpresë se me praninë e SHBA-së dhe disa vendeve të tjera, nga Këshilli i Sigurimit do të dalë ndonjë produkt që do të punonte drejt uljes së tensioneve dhe parandalimit të krimeve nga regjimi sionist, ne po e ndjekim këtë”, tha ai.
Kryediplomati i Teheranit tha se takimi do të ofronte një mundësi të mirë për Iranin dhe të tjerët në rajon që dënuan sulmin për të theksuar pozicionet e tyre.
“Shtetet e Bashkuara janë duke qëndruar pas Izraelit me të gjitha aftësitë e tyre dhe janë partnere në krimet e regjimit sionist”, tha Araghchi, duke shtuar se “pjesëmarrja e amerikanëve është e qartë për ne” në sulmet izraelite herët të së shtunës.
“Së paku, ata i siguruan forcës ajrore të regjimit sionist një korridor ajror”, përfundoi ai.