Njëzet vjet pas luftës, invalidi i Ushtrisë Çlirimtare të Kosovës, Zeqir Hoxha, ka njoftuar se ka larguar me operacion copën e granatës që i kishte mbetur në trup, shkruan Gazeta Sinjali.

Këtë mbetje, Hoxha tha se ia ka larguar përmes operacionit kirurgu, Nazmi Kolgeci.

Invalidi i UÇK-së tha se kirurgu nuk ka pranuar asnjë pagesë për këtë operim.

“Unë invalid i UÇK-së, Zeqir Hoxha falënderoj mjekun kirugun Nazmi Kolgeci, i cili sot më operoj copën e granatës të cilën e kisha që 20 vite, që nga koha e luftës. Kjo plagë, para një jave më dha presion dhe orët e vona më urgjencë më kanë dërguar në Spitalin e Prizrenit. Por, me udhëzim të mjekëve, më udhëzuan për te kirurgu Nazmi Kolgeci dhe ky pa asnjë hezitim sot më operoi dhe pa asnjë shpenzim pagesë, ku e falënderoj shumë nga zemra”, shkroi Hoxha në Facebook./Gazeta Sinjali/