Gazeta Sinjali raportoi sonte për një incident që ka ndodhur në Hajvali, ku pati plagosje me armë zjarri dhe therje me thikë. Në këtë rast të rëndë dyshohet të jenë të përfshira dy familje.
Burimet nga Emergjenca kanë bërë me dije për Sinjalin se personi që mbeti i plagosur është Enver Pacolli rreth 52-vjeçar.
Motivi i këtij rasti është akoma i panjohur, por ajo që dihet është se Policia ka nisur hetimet që zbardhin rrethanat në të cilat ka ndodhur ngjarja.
Plagosjes sipas informacioneve të para i ka paraprirë një konflikt verbal që eskaloi në përdorimin e armës.
Sinjali mëson se i dyshuari tashmë është identifikuar nga Policia dhe shumë shpejt pritet të ndërmerren veprimet hetimote që të sigurohet prezenca e tij.