Një rast i posedimit të paautorizuar të armëve është zbuluar në Pejë, ku një i mitur është kapur me armë zjarri gjatë një aksioni policor.
Ngjarja ka ndodhur më 21 mars rreth orës 21:50 në rrugën “Xhevat Begolli”, gjatë realizimit të një plani operativ për kontrollin e lokaleve dhe personave.
Gjatë kontrollit në një lokal, tek i dyshuari i mitur janë gjetur një armë zjarri e llojit “VZOR 50”, kalibër 7.65 mm, një karikator dhe tre fishekë të të njëjtit kalibër.
I mituri është shoqëruar në Stacionin Policor në Pejë dhe është intervistuar në prezencën e prindit dhe avokatit mbrojtës.
Me urdhër të Prokurorit kujdestar për të mitur, rasti është iniciuar si “Mbajtje në pronësi, kontroll ose posedim i paautorizuar i armëve”, ndërsa i dyshuari është liruar në procedurë të rregullt.
Hetimet lidhur me rastin janë në zhvillim.
Sinjali – aty ku e vërteta flet para lajmit!