Policia e Kosovës ka kryer sot një aksion policor për identifikimin dhe kapjen e njërit prej të dyshuarve për grabitjen e armatosur në argjendarinë ‘Diakos’ në Suharekë. Gjatë tentativës për ta neutralizuar, i dyshuari ka mbetur i vrarë, raporton Gazeta Sinjali.
Gazeta Sinjali mëson se gjatë aksionit është arrestuar edhe një person tjetër, teksa po vazhdojnë kërkimet për të tjerët.
Personi i arrestuar sipas burimeve të Gazetës Sinjali është Bujar Basha.
Ky i fundit është emër i njohur për organet e rendit. Ai ka ikur nga Burgu i Dubravës para rreth 10 vjetësh, duke e bërë i njohur si “ekspert” i arratisjeve spektakolare nga burgjet.
I njëjti po ashtu ka qenë i dënuar me 14 vjet burgim, shkruan Gazeta Sinjali.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.