Finalja e Big Brother VIP Albania 2 shpalli fitues këngëtarin nga Shkodra, Luiz Ejlli.
Luizi në finale ishte përball Kristi Aliaj, i cili së fundmi ka folur për rrugëtimin e tij në shtëpinë e famshme.
Kristi i ftuar në“Ftesë në 5”, tha se Olta ishte një person manipulues ndërsa Luizi tentonte të të nënshtronte në lojën e tij.
“Ishte e vështirë ta përballoje Oltën kur fillonte me stilin manipuluese dhe imponues, Olta provonte të të manipulonte kurse Luizi provonte të të nënshtronte në lojën e tij, këta ishin dy ekstreme që luftonin me gjithë banorët e tjerë”, tha Kristi.
Tutje, ai u shpreh se në një moment kishte besuar se ai do të ishte fituesi për shkak të asaj që kishte përfaqësuar në shtëpinë e famshme, madje e ndjeu se edhe Luizi ishte frikësuar në një moment.
“Luizi kishte një besim kot, të pakuptimtë, kur doli Efi pas Deas aty Luizit me të vërtetë i iku komplet, shkoj te martesa, u kthye dhe më tha surprizat më kanë mbaruar, më pa dhe mua me jelekun shqiptar aty dhe tha më iku nga dora çdo gjë që kam bërë, e besoja fitoren në një moment se nuk e kisha idenë se çfarë impakti kishte krijuar personi i Luizit jashtë”, u shpreh tutje ai.
“Luizi ishte gangster, ai përdorte gjëra që bëjnë gangsterët intimidim, agresion ai dominoi me atë se aftësi tjetër nuk kishte të dominonte, një pjesë e madhe ashtu e vlerëson dominancën, kurse unë dominova me gjëra tjera”, tha mes tjerash Kristi.
Luizi u shpërblye me 100 mijë euro teksa tre finalistët e tjerë Kristi, Efi dhe Dea Mishel morën nga 10 mijë euro secili.
