Kryetari në detyrë i Partisë Demokratike të Kosovës, Enver Hoxhaj, ka vizituar sot qytetin e Suharekës, për të shënuar Ditën e Çlirimit.

Këtë e ka bërë të ditur përmes një postimi në llogarinë e tij në Facebook, duke i bashkëngjitur edhe disa fotografi.

Hoxhaj shtoi se UÇK-ja mobilizoi jo vetëm shqiptarët, por edhe faktorin ndërkombëtar për të intervenuar në Kosovë.

“Për lirinë, tashmë mbarë bota e di, se shqiptari flijon shtëpinë, tokën por e jep edhe jetën – nga Hasan Prishtina e te Adem Jashari. Besimi në liri e mëvetësi, i rrënjosur thellë në shpirtin tonë, i rezistoi me shekuj robërisë e tendencës për asimilim, përndjekjes e vrasjeve, shtypjes e burgjeve.”

“Deri në ditën e bekuar kur u themelua UÇK-ja, e cila me luftën e saj të pastër e të drejtë mobilizoi jo vetëm shqiptarët, por edhe faktorin ndërkombëtar për të intervenuar në Kosovë. E gëzofshim për jetë e mot Kosovën”, shkroi ai./Gazeta Sinjali/