Ushtruesi i detyrës së kreut të PDK-së, Enver Hoxhaj, ka folur për kandidaturën e Ramush Haradinajt për president të vendit, shkruan Gazeta Sinjali.

Hoxhaj tha se ish-kreu i partisë, Kadri Veseli asnjëherë nuk e ka mbështetur kreun e AAK-së, Ramush Haradinajn për president.

“Kadri Veseli asnjëherë s’i ka dhënë mbështetje Haradinajt për president”, ka thënë Hoxhaj në T7.

Ai u pyet për këtë çështje pasi që Haradinaj deklaroi sonte se kishte diskutuar me Thaçin e Veselin dhe ishin afër përmbylljes së këtij procesi, pak para se ata të niseshin për në Hagë.

“Edhe atyre (Thaçit e Veselit), ua kam prezantuar kandidaturën time. Ne kemi pasur një përafrim në momentet e fundit. Realisht ka pasur një përafrim të madh. Kemi qenë afër mbylljes së procesit”, është shprehur Haradinaj./Gazeta Sinjali/