Ambasadori i Shteteve të Bashkuara të Amerikës, Jeff Hoveneir, ka pritur sot në Ambasadën e SHBA në Prishtinë oficerin e FSK-së, toger Ylli Dalladaku, i cili ka përfunduar me sukses njërin nga kurset më sfiduese në Ushtrinë Amerikane, “Ranger Course” në mesin e 116 nga mbi 250 ushtarak që filluan këtë kurs.
“Ishte kënaqësi të takoheshim me të diplomuarin e WestPoint, Ylli Dalladakun, pjesëtari i parë i FSK-së që kaloi shkollën e ushtrisë amerikane “Ranger”- një nga kurset ushtarake më rigoroze”, ka shkruar Hovenier.
Ambasadori ka shtuar se vazhdojnë që ta mbështesin FSK-në në rrugën e saj.
“Ne e mbështesim FSK-në teksa ajo kalon në një forcë mbrojtëse territoriale multi-etnike, profesionale, të ndërveprueshme nga NATO”, u shpreh Hovenier.
It was a pleasure to meet @WestPoint_USMA graduate LT Ylli Dalladaku, the first KSF to pass @USArmy Ranger School – one of the 🇺🇸military’s most rigorous courses. We support KSF as it transitions into a multi-ethnic, professional, NATO-interoperable territorial defense force. pic.twitter.com/hY3Vmarskm
— Ambassador Jeff Hovenier (@USAmbKosovo) July 20, 2023
