Dashi
Jeta juaj në çift do jetë gjatë gjithë ditës e mbrojtur sot. Nuk do keni asnjë debat me partnerin tuaj, përkundrazi do dashuroheni në mënyrë pasionante me të. Beqarët do jenë të paduruar dhe mund të bëjnë gabime. Ata qe do dinë të durojnë do jenë më të fituarit. Në planin financiar do kryeni transaksionet e menduara prej kohesh sepse situata do jetë goxha e qëndrueshme.
Demi
Zjarri i dashurisë do qëndrojë i ndezur edhe gjate kësaj dite. Do ja kaloni mjaft mirë pranë te dashurit të zemrës suaj. Beqaret duhet të tregohen sa më të matur që të munden dhe të mos ju besojnë të gjitha fjalëve të bukura që do ju thonë. Në planin financiar do jetë Marsi ai që do ju mbështesë dhe do ju bëjë të jeni më të qartë për gjendjen ekzistuese.
Binjaket
Nëse e lini pas dore partnerin tuaj sot ka rrezik qe ai t’ju rrëshqasë nga duart. Kujdesuni me tepër për të dhe mos ngurroni në çdo moment ta surprizoni. Beqarët nuk do rreshtin se kërkuari dashurinë, por nuk do ja dalin dot mbanë as sot. Me financat nuk do i keni punët shumë mirë. Duhet t’i menaxhoni me kujdes ato nëse nuk doni të mbeteni pa para.
Gaforrja
Ditë shumë e qetë dhe pa asgjë të veçantë kjo e sotmja për të dashuruarit. Nuk do përjetoni as emocione të jashtëzakonshme, por fatmirësisht nuk do keni as debate. Beqarët duhet t’ia lënë gjithçka në dorë yjeve. Ata do kujdesen që gjithçka të shkojë më së miri. Financat fatmirësisht do jenë më të mira se disa ditë më parë. Mund të shpenzoni për gjërat më të nevojshme.
Luani
Do jeni shumë të shqetësuar gjate kësaj dite për mbarëvajtjen e jetës suaj në çift. Nuk do ndiheni aspak mirë dhe herë pas here do konfliktoheni me partnerin. Beqaret do e kenë më të lehtë ta bëjnë për vete personin qe pëlqejnë. Ata e dine mirë mënyrën qe duhet të përdorin. Në planin financiar duhet ta shtrëngoni paksa rripin që të mos keni vështirësi.
Virgjëresha
Dashuria do jetë më e privilegjuar se kurrë gjatë kësaj dite. Do i kushtoni kohën dhe vëmendjen e duhur personit që keni në krah. Beqarët do kenë takime mbresëlënëse të cilat do ua ndryshojnë jetën përgjithmonë. Saturni do ndikojë pozitivisht tek financat tuaja. Do jeni më të organizuar dhe në asnjë mënyrë nuk do shpenzoni kuturu.
Peshorja
Do debatoni kot së koti me atë qe keni në krah sot dhe kjo do e përkeqësojë klimën në jetën tuaj në çift. Asgjë nuk do shkojë ashtu si ju e kishit menduar deri më sot. Beqarët do kenë mundësi te zgjedhin personin e duhur për te filluar një jetë të re mjaft emocionuese. Në planin financiar edhe pse situata nuk do jetë problematike, nuk rekomandohet të luani me zjarrin.
Akrepi
Edhe ata që janë në një lidhje do jenë të interesuar për aventura kalimtare sot. Ata do ju japin më tepër rëndësi emocioneve të momentit, por në fakt shumë shpejt do pendohen. Beqarët do joshin dhe do joshen pa fund. Mundësitë për të krijuar një lidhje të bukur do jenë të shumta. Në planin financiar duhet të tregoheni sa më të arsyeshëm qe të mos keni probleme.
Shigjetari
Do jeni shumë sensualë sot dhe do e bëni edhe partnerin të ndihet më së miri. Në mbrëmje do organizoni edhe një darke romantike, me qirinj dhe me muzikë të përshtatshme për ambientin. Beqarët nuk do jenë ende gati të fillojnë një lidhje të qëndrueshme. Në planin financiar situata do vazhdojë të jetë e njëjtë. Duhet të shpenzoni me shumë kujdes.
Bricjapi
Do ketë shumë probleme gjatë kësaj dite në jetën tuaj në çift dhe atmosfera do jetë goxha e turbullt. E mira do jetë të qëndroni pak larg partnerit dhe të reflektoni me kujdes. Beqarët do e gjejnë papritur shpirtin e tyre binjak. Më në fund do ndihen të plotësuar. Financat nuk do jenë të këqija. Më mirë mbajini aq sa keni sesa të ndërmerrni rreziqe te mëdha për t’i përmirësuar shpejt.
Ujori
Ata që janë në një lidhje do kenë disa vështirësi të vogla me personat që kanë në krah. Mundohuni të bëni lëshime dhe të toleroni nëse nuk doni probleme serioze. Beqarët nuk do jenë edhe për shume kohë në këtë gjendje. Sot do ndodhë një takim i mrekullueshëm i cili mund t’ua ndryshojë rrjedhën e jetës. Financat do jenë më të mira se disa kohë me parë.
Peshqit
Do tregoheni shumë autoritarë gjate kësaj dite në jetën tuaj në çift dhe kjo do krijoje herë pas here debate me personin që keni në krah. Mundohuni të ndryshoni sjellje nëse nuk doni probleme serioze. Beqarët do e ndiejnë më shumë se kurrë peshën e vetmisë. Në planin financiar do e dini mirë çfarë të bëni që situata të normalizohet. Do jeni më të qetë në këtë sektor.