Dashi
Ditë e qëndrueshme kjo e sotmja për të dashuruarit. Çdo gjë do shkojë për mrekulli dhe emocionet do jenë të njëpasnjëshme. Beqarët më në fund do nisin një histori dashurie serioze, e cila do t’ua ndryshojë edhe mënyrën e të parit të gjërave. Në punë duhet të përdorni më shumë imagjinatën për të arritur aty ku dëshironi.
Demi
Perspektivat janë të mira sot edhe për ju. Komunikimi në çift do jetë i ngrohtë dhe shumica e dëshirave do ju plotësohen. Beqarët nuk do e kenë të lehtë të gjejnë dashurinë dhe do qëndrojnë me të njëjtin status si më parë. Në planin financiar do mund të kryeni transaksione të rëndësishme që do stabilizojnë situatën shumë shpejt. Do ndiheni më të qetë.
Binjakët
Ende nuk do rikthehet pasioni që keni pritur në jetën tuaj në çift. Marrëdhënia nuk do jetë problematike, por as nuk do mund të flisni hapur për ato që ju shqetësojnë. Beqarët do kenë mundësi vetëm për aventura kalimtare. Në planin financiar, fatmirësisht nuk do keni vështirësi, megjithatë gjykoni mirë para se të kryeni shpenzime.
Gaforrja
Do kuptoheni më së miri sot me atë që keni në krah dhe do i zgjidhni një nga një problemet që keni pasur. Do toleroni dhe do bëni më shumë lëshime. Beqarët do jenë të angazhuar me projekte profesionale dhe nuk do mendojnë për jetën sentimentale. Financat do mbeten të njëjta, ndaj shpenzoni me kujdes që të mos përballeni më vonë me vështirësi.
Luani
Klima në çift do jetë mjaft pasionante gjatë kësaj dite. Partneri do ju bëjë të ndiheni si në ëndërr dhe nuk do doni të shkëputeni prej tij për asnjë moment. Beqarët do vazhdojnë të jenë në kërkim të princit të kaltër, por pa fat. Në planin financiar, disa do arrijnë jo vetëm të stabilizojnë situatën, por edhe të përmirësohen ndjeshëm.
Virgjëresha
Ditën e sotme nuk do mund ta harroni për një kohë të gjatë. Partneri do ju surprizojë në çdo moment dhe do ju bëjë t’i harroni telashet në fusha të tjera. Beqarët më mirë të mos hedhin asnjë hap gjatë kësaj dite sepse mundësitë nuk do jenë të mira. Situata financiare do lërë për të dëshiruar, ndaj shmangni çdo lloj investimi.
Peshorja
Ditë shumë e turbullt kjo e sotmja për ata që janë në një lidhje. Nuk do mund t’i shmangni dot krizat në çift dhe do vuani shpesh në heshtje. Beqarët do kenë disa takime, por personat nuk do ua mbushin mendjen për të krijuar një lidhje. Në planin financiar ka ardhur koha ta menaxhoni me më shumë kujdes paranë.
Akrepi
Dialogu, mirëkuptimi dhe harmonia do mbizotërojnë gjatë kësaj dite në jetën tuaj në çift. Do ndiheni për mrekulli pranë partnerit dhe nuk do doni të ndaheni prej tij. Beqarët do jenë më të shoqërueshëm me personat që do takojnë, dhe disa do ju tërheqin vëmendjen. Financat do përmirësohen, ndaj mund të kryeni edhe ndonjë shpenzim më tepër.
Shigjetari
Tregohuni sa më diplomatë sot në jetën në çift, sepse partneri do jetë me nerva dhe nuk do durojë gjithçka. Mos e prishni me dorën tuaj atmosferën. Jeta sentimentale e beqarëve do marrë një kthesë pozitive. Ndryshimet do jenë rrënjësore. Në planin financiar duhet të merrni masa strikte sa nuk është shumë vonë.
Bricjapi
Pas një periudhe të vështirë për jetën tuaj në çift, sot do rilindë dielli. Do flisni hapur me njëri-tjetrin dhe do sqaroni të gjitha mosmarrëveshjet. Beqarët do kenë një ditë normale dhe pa takime mbresëlënëse. Merrini gjërat si t’ju vijnë. Financat do përmirësohen falë një shume të ardhurash që do iu japin disa të afërm. Pranojini pa hezitim sepse do ju duhen.
Ujori
Jo për të gjithë çiftet jeta sentimentale do jetë e mirë sot. Ata që kanë pasur debate do i japin fund gjithçkaje, ndërsa çiftet e qëndrueshme do forcojnë më tej komunikimin. Beqarët do jenë joshës dhe nuk do ndalen derisa ta bëjnë për vete atë që pëlqejnë. Kombinimi i yjeve do jetë i favorshëm për financat. Gjendja do jetë e mirë.
Peshqit
Shprehni gjithçka që ndjeni dhe mendoni gjatë kësaj dite. Më mirë t’i keni gjërat të qarta me partnerin sesa të keni probleme më vonë. Beqarët do jenë të parrezistueshëm dhe do marrin shumë propozime. Në planin financiar do tregoheni të kujdesshëm dhe nuk do kryeni shpenzime të pamenduara.
Sinjali – aty ku e vërteta flet para lajmit!