Kreu i Aleancës për Ardhmërinë e Kosovës, Ramush Haradinaj, ka thumbuar konkurrentët e tij politik, duke aluduar në Kadri Veselin e PDK-së, me të cilin ka bashkëqeverisur mandatin e kaluar i cili së fundi ka nisur fushatën me temën e luftës kundër korrupsionit.

“Po thonë dojna me luftu korrupsionin. Shumë mirë, qysh dojna me luftu këta korrupsionin. Këta po tuten me tregu çka besojnë. I kam pa, besoni, këta u frikësojshin me ju thënë aleatëve, jo armiqve, në çka besojnë, mendojnë e çka është në të mirë të tyre. Veç servilizëm. Servili nuk lufton kurrgjë. Servili qaty del…”, ka thënë Haradinaj gjatë një tubimi me qytetarë në Klinë.

Haradinaj ka thumbuar edhe oponentët e tjerë.

“Do po thonë që kemi me rritë ekonominë, e po harrojnë që prej tetorit tregu është vetëm i prodhuesve vendorë. Ekonomia nuk bëhet prej qiellit, por bëhet prej tokës e me punë konkrete”, ka thënë Haradinaj.

“Ka do tjerë po thonë e çkapim shtetin edhe e ndërtojmë një shtet të çkapur. Mos harroni, dikush e ka çkapë shtetin prej Serbisë, e prej dialogut që donte me nda Kosovën. Ja kemi hequr atyre që kanë dashtë me nda Kosovën. Ku janë këta që po thonë e çkapim shtetin, pse s’ken me çkap prej Serbisë, prej dialogut e pse s’kenë me ndërtu ushtrinë e vet e mos me këqyrë çka po bëjnë tjerët për ne”, ka thënë Haradinaj./Sinjali/