Deputeti i AAK-së, Daut Haradinaj, ka deklaruar se raportet me PSD-në, me të cilin subjekt ka hyrë në koalicion, janë ndërtuar pas largimit të Listës Serbe nga Kuvendi. Sipas tij, ky subjekt ka qenë shumë bashkëpunues në çuarjen e proceseve të rëndësishme përpara, ndërsa ka theksuar se PSD-AAK e kanë përmbushur njëra tjetrën.

“Ne e kishim një përvojë të mirë me PSD-në pas largimit të Listës Serbe, PSD ka arritur të përmbushë shumicën e obligimeve të veta, Pallatin e Rinisë, unazën,  ligjin për Prishtinën etj. Bashkimin PSD-AAK duhet me e pa si mundësi të fitores së zgjedhjeve që po vijnë”, ka thënë Haradinaj.

Haradinaj ka bërë të ditur se si dy subjekte në koalicion parazgjedhorë tashmë janë duke punuar edhe në harmonizimin e programit.

“Mendoj që është një kombinim jashtëzakonisht i fortë, sidomos tani kur po presim edhe aderime të reja”, tha Haradinaj. /Sinjali/