Kryetari i Aleancës për Ardhmërinë e Kosovës, Ramush Haradinaj ka thënë se shkarkimi i Task-forcës kundër korrupsionit shkakton pasiguri juridike, raporton Gazeta Sinjali.

Haradinaj gjithashtu ka thënë se është i vetdijshëm që ka pasur nevojë që shumë gjëra të ndryshohen , që kjo task forcë të fuqizohet.

Por, kjo Task-forcë ka dëshmuar që askush nuk është i paprekshëm, ka thënë tutje Haradinaj.

Ky është shkrimi i plotë i Haradadinaj:

Shkarkimi i Task-forcës kundër korrupsionit shkakton pasiguri juridike. Kjo task forcë ka funksionuar më shumë se 10 vite. Kanë hetuar dhe kanë qenë në proces të hetimit të shumë rasteve të profilit të lartë në bazë të mandatit të tyre.

Puna e tyre ka treguar që askush nuk është i paprekshëm nga drejtësia. Normalisht ka pasur shumë gjëra të përmirësohen dhe kjo task forcë të fuqizohet, qoftë nga rishikimi funksional ose nga rekomandimet e partnerëve strategjik si ShBA dhe BE.

Në përmirësimin e institucioneve tona duhet të kemi plan. Çdo vendim pa plan, e i aty për atyshëm mund të kuptohet si ndërhyrje politike ose hakmarrje ndaj proceseve të pavarura.

Gjatë mandatit tim si Kryeministër jam ballafaquar me disa raste për të cilat ka pasur vendim për hetime ose aktakuzë. Vendimi im ka qenë që të ruaj sistemin dhe ta fuqizoj të njejtin. Kam rritur rrogat e policisë, prokurorëve dhe gjykatësve dhe ju kam dhënë pavarësi të plotë. Politika nuk duhet të përzihet në drejtësi.

Unë kam paguar çmim që të ruaj sundimin e ligjit mbi përfitimet politike. Të njëjtën e pres nga çdo Qeveri e Republikës së Kosovës. /Gazeta Sinjali/