Me rastin e 33 vjetorit të Deklaratës Kushtetuese të 2 korrikut, kryetari i AAK-së, Ramush Haradinaj, ka thënë se ky akt ishte vazhdimësi e përpjekjeve të shqiptarëve për liri, që shënoi pikënisjen e shtetësisë së Kosovës.
Haradinaj përmes një shkrimi në Facebook tutje tha se Deklarata e 2 korrikut, ishte një gur në themelet e lirisë.
“Deklarata Kushtetuese e 2 korrikut të vitit 1990, ishte vazhdimësi e përpjekjeve të shqiptarëve për liri, ndërsa si akt shënon pikënisjen e shtetësisë së Kosovës. Atë ditë, 111 delegatë edhe pse në kushte shtetrrethimi, legjitimuan vullnetin e popullit të Kosovës për pavarësi”.
“Ata do të kujtohen dhe lartësohen nga brezat për përpjekjen e tyre për jetësimin e ëndrrës shekullore, shtetit të pavarur. Deklarata e 2 korrikut 1990, ishte një gur në themelet e lirisë, e cila u jetësua disa vjet më pas nga trimat e Ushtrisë Çlirimtare të Kosovës”, thuhet në shkrimin e tij.
