Kryeprokurori i Ukrainës ka lëshuar një deklaratë duke përgëzuar hapjen e Qendrës Ndërkombëtare për Ndjekjen e Krimit të Agresionit (ICPA) në Hagë.
Në rrjetet sociale, Andriy Kostin shkroi:
“Ka ardhur dita e shumëpritur: ICPA nis zyrtarisht punën!
Ky është fillimi i fundit të mosndëshkimit për krimin e agresionit. Nga sot prokurorët ukrainas do të punojnë në Hagë.
ICPA ka një rëndësi të veçantë për Ukrainën – është një sinjal i qartë se bota është e bashkuar dhe e palëkundur në mbajtjen e regjimit rus përgjegjës për të gjitha krimet e tij: krimin e agresionit, gjenocidit dhe krimeve të luftës.
Fatkeqësisht, ka një boshllëk në arkitekturën e drejtësisë penale ndërkombëtare në lidhje me përgjegjësinë për krimin e agresionit. ICPA do të jetë një nga elementët që do të forcojë mekanizmat ligjorë për ndalimin e agresionit, do të plotësojë dhe forcojë këtë arkitekturë.
I jemi sinqerisht mirënjohës secilit prej partnerëve që kontribuan në krijimin e Qendrës.
Jam shumë i bindur se së bashku do të arrijmë të rivendosim drejtësinë. Kjo do të thotë dënimi i pashmangshëm i agresorit – Rusisë, e cila shpalosi luftën më të përgjakshme në Evropë dhe vazhdon të shkelë çdo ditë të drejtën ndërkombëtare dhe të drejtat e njeriut.”
