Sot, në Policinë e Kosovës është raportuar një rast i vjedhjes, që ka ndodhur në fshatin Shkabaj të Prishtinës, ku një 31-vjeçar ka vjedhur një xhaketë dhe ka tentuar ta vjedh një veturë, por që nuk ka arritur, raporton Gazeta Sinjali.
Sinjali mëson se rasti ka ndodhur në orët e mëngjesit dhe u denoncua në Polici nga një prokuror H.B., (emër i njohur për redaksinë), i cili bashkë me mikun e tij raportuan rastin me të cilin u ballafaquan.
Burimet e Sinjalit brenda Prokurorisë kanë bërë të ditur se i dyshuari fillimisht ka vjedhur xhaketën e prokurorit nga vetura e tij, e më pas ka tentuar ta vjedh edhe veturën e shokut të prokurorit, por që nuk ia doli.
Në deklaratën e ankuesve, të dhënë gjatë raportimit të rastit thuhet se hajni s’ka arritur ta marrë veturën e të ikë, pasi nuk ka mundur ta ndez.
Me t’u raportuar rasti, Policia është vënë në veprim dhe kanë arrestuar të dyshuarin, i cili me urdhër të prokurorit është ndaluar në kohëzgjatje prej 48 orësh.