Në fshatin Dardhishtë të Obiliqit ka ndodhur një grabitje në mëngjes.
Sipas informacioneve, dy persona kanë grabitur nga punëtorët e PTK-së një sasi parash, të cilët po i transportonin paratë në një lokacion të caktuar.
Zëdhënësja e PK-së, Flora Ahmeti ka thënë se policia po punon për zbardhjen e rastit si dhe identifikimin e personave të dyshuar.
“Rreth orës 08:30 është raportuar për një grabitje të ndodhur në fshatin Dardhishtë të Obiliqit. Pas marrjes së informacionit policia ka dalë në vendngjarje dhe bazuar në të dhënat e para janë ngritur dyshimet se grabitja është kryer prej dy personave të dyshuar, të cilët nën kërcënimin e armës( revole), kanë grabitur një sasi parash, nga punëtorët e PTK-së, të cilët me veturë zyrtare po transportonin paratë në një lokacion të caktuar. Nuk raportohet për persona të lënduar. Aktualisht policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rastit si dhe identifikimin e personave të dyshuar”, tha ajo.
