Rafael Grossi, shefi i agjencisë bërthamore të OKB-së, u ka thënë mediave në Rusi se situata nuk po përmirësohet në termocentralin më të madh bërthamor të Evropës pas vizitës në Zaporizhzhia në një rajon të pushtuar të Ukrainës.
Ndërsa ishte në territorin e kontrolluar nga Rusia, Grossi u tha agjencive ruse të lajmeve, përfshirë Tass, se “Natyrisht, situata nuk po përmirësohet, përkundrazi, armiqësitë rreth këtij territori po intensifikohen. Duhet të merren të gjitha masat e mundshme për të mbrojtur stacionin nga çdo sulm.”
Tass raporton se atij iu shfaqën “objekte të dëmtuara si rezultat i granatimeve nga forcat e armatosura të Ukrainës”. Forcat ruse e kanë pushtuar uzinën që nga marsi i vitit 2022, duke detyruar stafin ukrainas të vazhdojë punën gjatë kohës që është nën okupim.
Rusia ka pohuar se Ukraina ka bombarduar si stacionin ashtu edhe zonën e banuar aty pranë të Enerhodar. Ukraina ka pretenduar se granatimet kanë qenë nga forcat ruse.
