image Grenell mbërrin për vizitë në Beograd - Sinjali

COVID-19

Të infektuar

18910

Të shëruar

15367

Të vdekur

674

Grenell mbërrin për vizitë në Beograd

news image

Pas qëndrimit në Kosovë, emisari special i presidentit Donald Trump për dialogun, Richard Grenell ka arritur sonte për një vizitë në Beograd.

Ai dhe pjesa tjetër e delegacionit të qeverisë amerikane, në aeroportin e Beogradit janë pritur nga kryeministrja e Serbisë Ana Bërnabiq dhe ambasadori i SHBA-së Anthony Godfrey.

Grenell, së bashku me drejtorin ekzekutiv të DFC, Adam Boehler, do të takohen nesër me presidentin Aleksandar Vuçiq dhe kryeministren Ana Bërnabiq.

Përfaqësuesit e dy delegacioneve do të nënshkruajnë deklaratën e përbashkët pas takimit dhe më pas do të mbajnë konferencë për media.

Në dy ditët e ardhshme, delegacioni i lartë i DFC do të ketë takime me përfaqësues të Dhomës të Tregtisë dhe Ministrive të Financave dhe Transportit, Ndërtimit dhe Infrastrukturës të Serbisë.

Me ardhjen e Grenell dhe Boehler, fillon realizimi konkret i marrëveshjes për normalizimin e marrëdhënieve ekonomike midis Beogradit dhe Prishtinës, e cila u nënshkrua më 4 shtator në Washington.

Marrëveshja parashikon hapjen e një zyre rajonale të DFC-së në Beograd. /Gazeta Sinjali/


Shpërndaje artikullin