Xhudisti i njohur kosovar, Akil Gjakova dyshohet se ka ushtruar dhunë ndaj gruas së tij.
Çifti thuhet se janë në një proces divorci.
Fillimisht ndarja ishte kërkuar nga vetë Akili. Por, me një kundër padi është përgjigjur gruaja e tij e cila në atë dokument pos tjerash ka deponuar fakte që pretendojnë se Akil Gjakova ka ushtruar dhunë ndaj saj.
Sipas raportimeve të fundit thuhet se gruaja e Gjakovës ka deponuar fotografitë e dhunës në gjykatë që dyshohet se xhudisti ia shkaktoi asaj.
Sinjali ka kontaktuar me Akil Gjakovën për të marr një përgjigje nga ai në lidhje me rastin por që i njëjti nuk ka pranuar ta komentojë rastin.
“Jo, faleminderit. Nuk po kom qef me folë për këtë temë…”, u shpreh Gjakova për Sinjalin.
Te lajmi për sulmin e mundshëm të Gjakovës ndaj bashkëshortes së tij kanë komentuar njerëz që bëjnë thirrje për vrasje.
Njëri nga ta është Egzon Reshani i cili shkruan se “jan qu pesh baco grat e sodit veq plumi i rahaton!”
Komenti i tij do të thotë shumë për mendësinë e Reshanit, pasi ai njihet për të kaluar kriminale.
Gazeta Sinjali pati raportuar në vitin 2022 për një mori veprash penale që kishte 31 vjeçari nga Prizreni.
I njëjti ishte dënuar 16 herë për 12 vjet.
Profili i plotë me të gjitha dënimet e Egzon Reshanit:
Ndryshe, gjatë ditës së djeshme një grua u vra në Ferizaj pikërisht nga bashkëshorti i saj.