Një rast i vjedhjes së rëndë është raportuar në fshatin Llapnasellë të Graçanicës, ku persona të panjohur kanë vjedhur një sasi të madhe të paneleve të hekurit, të cilat shërbejnë për ndërtimin e objekteve dhe depove, raporton Gazeta Sinjali.
Sipas merr vesh Sinjali, Policia është njoftuar për rastin nga pronari i pronës, i cili ka deklaruar se vlera e dëmit të shkaktuar arrin rreth 50 mijë euro.
Menjëherë pas raportimit, në vendngjarje kanë dalë njësitë përkatëse të Policisë dhe kanë kryer ekzaminimet e nevojshme policore.
Për rastin është njoftuar edhe Prokurori i Shtetit, i cili ka urdhëruar që rasti të trajtohet si “Vjedhje e rëndë”.