Gjykata Speciale në Hagë ia ka vazhduar paraburgimin Salih Mustafës.

Ky vendim është marrë nga paneli i Trupit Gjykues që është i caktuar për këtë rast.

Gjithashtu është urdhëruar që Këshilli i Viktimave të dërgojë parashtresa për rishikimin tjetër të paraburgimit deri më 6 shtator.

Kurse, mbrojtjes i është dhënë afat që të njëjtat t’i dërgojë deri më 13 shtator.

Sipas njoftimit nga Zyra e Prokurorit të Specializuar, aktakuza kundër tij u konfirmua më 12 qershor 2020.

Mustafa ngarkohet me përgjegjësi penale individuale për ndalim arbitrar, trajtim mizor, torturë dhe vrasje të paligjshme.

Ai është i arrestuari i parë i Gjykatës Speciale./GazetaSinjali/