image Gjykata merr vendim për 20-vjeçarin nga Prizreni që u kap me drogë - Sinjali

Gjykata merr vendim për 20-vjeçarin nga Prizreni që u kap me drogë

news image

Gjykata Themelore në Prizren ka marrë vendim që t’i caktojë masën e paraburgimit prej 1 muaji, 20-vjeçarit nga Prizreni, Qëndrim Krasniqi, i cili u kap me drogë para dy ditësh.


Policia të riut ia gjeti pesë foli alumini me substanca narkotike të llojit marihuanë dhe një telefon mobil.

Pas arrestimit, ai vendosi që të jetë bashkëpunues me zyrtarët policorë, duke u treguar vullnetarisht se ka ende doza të drogës në shtëpinë e tij.

Gjatë kontrollit në shtëpinë e tij janë gjetur dhe sekuestruar shtatë foli të tjera alumini të mbushura me marihuanë.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata./GazetaSinjali/


Shpërndaje artikullin