Tre persona janë gjykuar nga Gjykata Penale në Basel nën dyshimin se kanë qenë të përfshirë në shitjen e biletave të rreme të fluturimit për në Kosovë, raporton Gazeta Sinjali.
Gjykata i liroi më pas ata për shkak se kishte ndodhur një gabim në zyrën e prokurorit publik në Basel-Stadt, shkruan gazeta zvicrane 20minuten.ch.
Nga akuza janë liruar të tre të pandehurit. Njëri nga ta ishte shetas i Gjermanisë, një i Italisë dhe tjetri i Maqedonisë.
Ata ishin akuzuar për shitjen e biletave për në Kosovë përmes një agjencie udhëtimesh në Basel, në vitin 2015, për fluturime të cilat nuk kanë ekzistuar kurrë.
Ata ngarkoheshin me akuzën se i kanë mashtruar me dhjetëra klientë dhe vjedhjen e mbi 150.000 frangave.
“Është dëshmuar se biletat ajrore pa vlerë janë shitur dhe lëshuar në treg nga agjencia e udhëtimit” është shprehur kryetari i trupit tre anëtarësh gjykues, Roland Strauss, në hapjen e seancës së gjykimit të premten në mëngjes.
Fluturimet fiktive për në Prishtinë janë shitur pasi kontrata midis kompanisë dhe linjës ajrore pritëse Smartlynx nuk ishte rinovuar më, në pranverën e vitit 2015.
Gjykata e trefishtë është ankuar se prokuroria nuk e ka pasqyruar rastin në mënyrë të plotë: ndërsa një avokat mbrojtës po fliste, përfaqësuesi ligjor i një të pandehuri tjetër ka vënë në dukje se ai nuk e kishte marrë kurrë akuzën e plotë.
Gjykata i ka liruar të tre personat sa u përket veprave penale të mashtrimit komercial dhe falsifikimit të shumëfishtë të dokumenteve sepse, sipas gjykatësit penal, nuk është përcaktuar se kush e ka kryer veprën.Duke qenë se ata ishin mbajtur në paraburgim për shkak të dyshimit fillestar urgjent në atë kohë, ata kanë të drejtë për kompensim. Kostot e procedurave i imponohen prokurorit publik të Bazel-Stadtit.
