image Gjermania dënon shtypjen e përgjakshme të protestave në Iran: Duhet të vendosim sanksione

Botë

Gjermania dënon shtypjen e përgjakshme të protestave në Iran: Duhet të vendosim sanksione

news image

Ministrja e Jashtme gjermane, Analena Burbock bëri thirrje për vendosjen e sanksioneve ndaj Iranit pas shtypjes të ashpër të protestave antiqeveritare të shkaktuara nga vdekja e një 22-vjeçare në duart e policisë.

“Tani duhet të diskutojmë shumë shpejt pasojat e mëtejshme dhe për mua këto duhet të përfshijnë sanksione kundër atyre që janë përgjegjës” për shtypjen e dhunshme, tha ministrja e jashtme gjermane për agjencinë gjermane të lajmeve.

“Përpjekjet për të shuar protestat paqësore me dhunë edhe më vdekjeprurëse nuk duhet të mbeten pa përgjigje,” shtoi ajo.

Pas vdekjes së Mahsa Amini, dhjetëra mijëra njerëz dolën në rrugë për të protestuar në të gjithë vendin në dhjetë ditët e fundit. Autoritetet vendosën kufizime në aksesin në internet për të parandaluar komunikimin midis njerëzve.

22-vjeçarja u arrestua nga policia në fillim të këtij muaji dhe vdekja e saj, në rrethana ende të paqarta, u konfirmua më 16 shtator. Autoritetet fillimisht thanë se ajo kishte sëmundje themelore dhe pësoi një arrest kardiak, familja e vajzës së re nga provinca e Kurdistanit hodhi poshtë versionin zyrtar.

Numri i viktimave dhe arrestimeve gjatë dhjetë ditëve të fundit në Iran nuk është aspak i qartë. Të paktën 1000 arrestime janë raportuar vetëm në veri dhe mijëra të tjerë vlerësohet se janë arrestuar në zona të tjera.

/GazetaSinjali/