Autoritetet në Meksikë kanë nisur një hetim pas gjetjes së një trupi pa shenja jete në afërsi të zonës ku po qëndron Kombëtarja e Iranit, në prag të përgatitjeve për Kupën e Botës 2026.
Sipas mediave ndërkombëtare, rasti është zbuluar në qytetin Tijuana, ku një automjet i braktisur ishte parkuar për disa ditë në parkingun e një supermarketi, përballë objektit stërvitor të ekipit iranian.
Autoritetet lokale bëjnë të ditur se hetimet kanë nisur pasi u raportua një erë e fortë që vinte nga brenda automjetit. Gjatë kontrollit, policia ka gjetur një trup të pajetë të mbështjellë brenda bagazhit të një SUV-i gri të markës Toyota.
Prokuroria në Tijuana ka konfirmuar se zona është siguruar dhe se po punohet për identifikimin e viktimës, si dhe për zbardhjen e rrethanave të ngjarjes.
Rasti ka marrë vëmendje të madhe për shkak të afërsisë me bazën stërvitore të Kombëtares së Iranit, e cila po përgatitet për ndeshjet e para në turne.
Sinjali – aty ku e vërteta flet para lajmit!