Zyrtarët policorë kanë qenë dhe vazhdojnë të jenë cak i kërcënimeve nga persona e grupe të ndryshme, që në shumicën e rasteve motivet lidhen edhe me punën e tyre zyrtare. Ngjarje të tilla ndodhin gjatë kohës kur policët janë me uniformë, raporton Gazeta Sinjali.
Një rast i tillë ka ndodhur edhe dje në Gjakovë, ku një person është arrestuar pasi e ka kërcënuar një zyrtar policor në detyrë.
Rasti ka ndodhur rreth orës 22:00, në rrugën Gasper Karaqi.
Sinjali mëson se në një pikë kontrolli, i dyshuari kishte refuzuar urdhrat nga polici dhe më pas e kishte kanosur atë.
Pas arrestimit dhe intervistimit, i dyshuari është dërguar në mbajtje.
Me vendim të Prokurorit, rasti është incuar si “Kanosje”.