Lëkura dihet se merr frymë, por liron edhe gazra. Kjo është arsyeja pse është krijuar një pajisje që mund të zbulojë sasinë e gazit nga lëkura e njeriut dhe kështu të ndihmojë në zbulimin e sëmundjeve.

Një grup shkencëtarësh nga Universiteti Mjekësor dhe Dental i Tokios kanë krijuar një pajisje për të zbuluar sasinë e vogël të gazrave të emetuara nga lëkura e njeriut. Ato formohen nga avullimi i përbërësve të gjakut.

Duke përdorur një lloj enzimë që lidhet me gazin, ata kanë zhvilluar gjithashtu një sensor që njeh gazrat. Pastaj shkëlqen në dritën blu. Procesori i imazhit kap këtë dritë dhe krijon një imazh në kohë reale në ekran.

Studiuesit thonë se pajisja mund të përdoret për të zbuluar substancat që vijnë nga lëkura e diabetikëve dhe pacientëve me kancer dhe mund të ndihmojnë në zbulimin e hershëm të sëmundjes.

“Një test i thjeshtë, siç është mbajtja e një dore në pajisje, do të ishte e mjaftueshme për të zbuluar sëmundjen. Shpresojmë të përmirësojmë efikasitetin e sensorit, në mënyrë që të mund të zbulojë edhe sasinë më të vogël të gazit”, tha Koji Mitsubaishi.

Tani për tani, është krijuar me sukses imazhi i gazit që lëshohet nga pëllëmba e personit që konsumon alkoolin./Gazeta Sinjali/