Garda Revolucionare e Iranit pretendon sulmet me raketa, duke thënë se ato kishin në shënjestër “qendrën strategjike” izraelite në Irak.
Korpusi i Gardës Revolucionare të Iranit (IRGC) ka marrë përgjegjësinë për sulmet me raketa balistike në kryeqytetin rajonal kurd të Irakut, Erbil, sipas medias shtetërore të Iranit.
Forcat elitare në një deklaratë të lëshuar të dielën thanë se kishin në shënjestër “qendrën strategjike” izraelite në vend.
“Çdo përsëritje e sulmeve nga Izraeli do të përballet me një përgjigje të ashpër, vendimtare dhe shkatërruese”, thuhet në deklaratë.
Izraeli vrau dy anëtarë iranianë të IRGC-së në fillim të kësaj jave në Siri, një aleat i ngushtë i Teheranit, shkruan Al Jazeera.
Më parë, zyrtarët kurdë thanë se një duzinë raketash balistike të lëshuara nga jashtë Irakut goditën rajonin, me guvernatorin e Erbilit, Omed Khoshnaw, duke i thënë transmetuesit lokal Rudaw se kishte një sulm terrorist kundër Konsullatës së SHBA.
Sipas ministrisë së brendshme kurde, raketat shkaktuan vetëm dëme materiale në ndërtesën e re të konsullatës dhe plagosën një civil.
Një zëdhënës i Departamentit të Shtetit e quajti atë një “sulm të egër”, por tha se asnjë amerikan nuk u lëndua dhe nuk kishte dëme në objektet e qeverisë amerikane në Erbil.
Televizioni shtetëror irakian citoi forcën kundër terrorizmit të rajonit gjysmë-autonom kurd të thoshte se 12 raketa të lëshuara nga jashtë Irakut goditën Erbilin.
