image Fshati zviceran kundërshton dhënien e shtetësisë për kosovarin

Diasporë

Fshati zviceran kundërshton dhënien e shtetësisë për kosovarin

news image

Fshati Bubendorf në Zvicër e kundërshton dhënien e shtetësisë zvicerane për kryefamiljarin e familjes Halili nga Kosova. Bën ankesë në Gjykatën Kantonale.

Familja kosovare Halili ka jetuar në Bubendorf të Kantonit Baselland për 15 vjet. Të ardhur si refugjatë lufte me azil të refuzuar nga shteti, por të ofruar pastaj nga kisha, nëna dhe dy djemtë tani kanë fituar shtetësinë.

Por, në rastin e babait, Hamdiut, megjithatë, komuna është bërë kokëfortë: nuk pranon t’i japë shtetësinë.

Asambleja e Komunës kishte refuzuar dhënien e shtetësisë dy herë pa dhënë ndonjë arsye të qëndrueshme. Në fund, u desh të ndërhynte edhe qeveria e kantonit. Sipas saj, Hamdiu duhet ta merrte shtetësinë menjëherë.

Por komuna, e cila është përgjegjëse për këtë çështje në Bubendorf, nuk dëshiron të lëshojë pe, transmeton albinfo.ch. Ajo ka ushtruar ankesë në Gjykatën kantonale kundër vendimit të këshillit qeveritar.

Pyetja pse mbetet pa përgjigje, askush nga komuniteti nuk merr pozicion në raport me mediat. Një person i brendshëm i komunitetit qytetar ka thënë për gazetën BaZ: “Kjo gjë tashmë është e turpshme”.

Ndërsa një banor citohet të ketë thënë: “Unë dyshoj për ksenofobinë. Po veprohet sipas motos: Tash ne u tregojmë atyre dhe ua kthejmë hakun për shkak të azilit kishtar”, që familja Halili e kishte gëzuar para 15 vjetësh. /GazetaSinjali/