Franca po përgatitet për një valë të re të të nxehtit, ndërsa autoritetet kanë ndërmarrë masa urgjente për të përballuar temperaturat ekstreme që pritet të prekin vendin.
Sipas raportimeve të mediave ndërkombëtare, rreth 1,000 kondicionerë do t’u dorëzohen spitaleve në rajonin e Parisit deri në fund të javës, si pjesë e përpjekjeve për të lehtësuar kushtet e pacientëve dhe stafit mjekësor gjatë temperaturave të larta.
Qeveria franceze ka njoftuar gjithashtu se ka porositur rreth 30,000 njësi klimatizimi për spitalet në mbarë vendin, në kuadër të planit për menaxhimin e valëve të ardhshme të të nxehtit.
Spitalet në Paris kanë nisur ndërkohë të sigurojnë pajisje shtesë, në pritje të dërgesave të qeverisë, për të përballuar rritjen e temperaturave në ambientet e brendshme.
Ekspertët shëndetësorë paralajmërojnë se valët e të nxehtit po ndikojnë ndjeshëm në gjendjen e pacientëve, sidomos në pavijonet ku trajtohen raste të rënda, duke e bërë klimatizimin një nevojë urgjente në sistemin shëndetësor.
Sinjali – aty ku e vërteta flet para lajmit!