Partia Fjala ka rizgjedhur Gëzim Kelmendin kryetar të kësaj partie edhe për një mandat tjetër. Kjo parti politike përmes një komunikate ka njoftuar se Kelmendi është zgjedhur me 92 vota pro, asnjë kundër dhe asnjë abstenim.

Më poshtë e gjeni komunikatën e plotë:

“Partia FJALA sot ka mbajtur Kuvendin e II-të Zgjedhor.

92 delegatë të Partisë FJALA sot votuan për të parin e tyre.

Me 92 vota për, asnjë kundër dhe asnjë abstenim Gëzim Kelmendi u rizgjodh Kryetar i Partisë FJALA.

Në fjalimin e tij para delegatëve Gëzim Kelmendi i falënderoj për besimin dhe mbështetjen e dhënë.

Ai tha se Partia FJALA do të punoj që të ndryshohet kjo mendësi politike.

Do të punojmë që politikani të jet në shërbim të qytetarit.

E kemi kundërshtuar dhe do ta kundërshtojmë fuqishëm rritjen e pagës dhe privilegjeve tjera të politikanëve të Kosovës.

Do të punojmë që të jetësohet amaneti i dëshmorëve të rënë për lirinë dhe pavarësinë e Kosovës.

Populli i Kosovës nuk duhet të dorëzohet para të keqës aktuale në vendin tonë.

Nuk jemi dorëzuar as para regjimit të Serbisë, nuk duhet të dorëzohemi as tash, por duhet që në zgjedhjet e 6 tetorit të votojmë për të mirën e fëmijëve tanë dhe shtetit tonë.”, shkruhet në komunikatë.