Kanë filluar xhirimet e filmit ‘Pritja’, që do të bazohet në jetën e nënës Ferdonije Qerkezi nga Gjakova.
Filmi ‘Pritja’ me regji dhe skenar të Artan Korenicës trajton një realitet të hidhur të të gjithë atyre që akoma presin më të dashurit e tyre.
Aktorja që luan në këtë film është Arta Muçaj kurse producent është Edi Kastrati.
Lajmin e bëri të ditur vet Edi Kastrati përmes një postimi në Facebook.
Filmi është mundësuar nga Qendra Kinematografike e Kosovës dhe DKRS-Gjakovë.
Ferdonije Qerkezi vuan ende mungesën e bashkëshortit dhe 4 djemve të zhdukur nga forcat serbe më 1999 gjatë luftës në Kosovë.
