Ferizaj është fitues i Kupës së Kosovës në hendboll në konkurrencë të femrave, pasi mposhti në finale Istogun me rezultat 28:27.
Në fakt në pjesën e parë Ferizaj dominoi plotësisht, ku pas 30 minutave rezultati ishte 16:11.
Por istogaset nuk u dorëzuan. Luftuan shumë në pjesën e dytë dhe e ngushtuan rezultatin në një gol.
Por nuk ia dolën të barazojnë, ndonëse fundi i takimit ishte shumë dramatik.
Shkurta Mehmeti e Amanda Stein ruajtën qetësinë në momentet vendimtare dhe shënuan golat që Ferizajt ia siguruan suksesin e madh.
Salemateu Camara ishte më efikasja te Ferizaj me shtatë gola.
Nga pesë i kishin Sabrina Mar Morinigo e Amanda Stein, derisa nga katër i kishin Luljeta Sopjani e Ama Lemos De Andrade.
Ana Carolina Gomes i kishte 11 gola për Istogun.