Mesfushori i Real Madridit, Federico Valverde, ka pësuar një lëndim të rëndë pas një përplasjeje fizike me bashkëlojtarin Aurélien Tchouaméni gjatë aktivitetit të skuadrës.
Sipas raportimeve, Valverde është dërguar në spital pas goditjes në kokë dhe ka shfaqur probleme me kujtesën si pasojë e incidentit. Ai është gjetur i gjakosur në dhomën e zhveshjes nga bashkëlojtarët, pas përplasjes me një objekt, duke shkaktuar shqetësim te stafi dhe lojtarët.
Mjekët i kanë rekomanduar një periudhë pushimi prej së paku një jave, duke e përjashtuar atë nga stërvitjet dhe ndeshjet, përfshirë edhe derbin e madh “El Clásico” kundër Barcelonës.
Ndërkohë, klubi ende nuk ka dalë me një vendim zyrtar lidhur me incidentin, ndërsa raportohet se edhe Tchouaméni mund të përballet me masa disiplinore.
Real Madrid pritet të sqarojë më shumë detaje në ditët në vijim lidhur me gjendjen e lojtarëve dhe rrethanat e ngjarjes.
Sinjali – aty ku e vërteta flet para lajmit!