Gazetari i Wall Street Journal, Evan Gershkovich do të apelojë të martën kundër arrestimit dhe ndalimit të tij në Moskë me akuza për spiunazh, sipas dokumenteve të gjykatës, raporton Reuters.
Sipas një dokumenti gjyqësor publik rus, një gjykatë ruse do të dëgjojë të martën një ankesë të paraqitur nga Gershkovich kundër vendimit për ta mbajtur atë në paraburgim në burgun Lefortovo ndërsa çështja është duke u hetuar.
Dokumentet e gjykatës nuk jepnin asgjë më shumë se detaje elementare rreth çështjes. Gjykata tha se ishte e ndaluar të publikoheshin disa dokumente. Një avokat rus i Gershkovich nuk iu përgjigj një kërkese për koment nga Reuters.
Seanca është në thelb procedurale që mbulon mënyrën se si Gershkovich duhet të ndalohet në pritje të gjyqit, jo për thelbin e akuzave pasi hetuesit janë ende duke punuar për detajet e çështjes.
